Kusari-Lila prezanton numrin 8 në listën zgjedhore të koalicionit me VV-në: Ta shndërrojmë fundvitin në festë fitoreje

21:25 | 8 Dhjetor 2025
E.H

Kryetarja e Alternativës, Mimoza Kusari-Lila, ka prezantuar sot, numrin e saj në listën zgjedhore të koalicionit me Lëvizjen Vetëvendosje për zgjedhjet e 28 dhjetorit.

Ashtu si në garat e kaluara, ajo mban numrin 8.

Përmes një postimi në Facebook, Kusari-Lila shprehu mirënjohje për besimin e deritanishëm të qytetarëve, duke thënë se me të njëjtin përkushtim po hyn edhe në këto zgjedhje.

Nga Alternativa, në listën garuese janë edhe Skender Thaci me numrin 36 dhe Diana Qarkaxhija me numrin 79.

“Ejani bashkë ta shtyejmë përpara këtë energji pozitive deri më 28 dhjetor! Le ta shndërrojmë fundvitin në një festë të vërtetë fitoreje!”, u shpreh Kusari-Lila në postimin e saj./Arbresh.info